UNEDeko matrikulazio kopurua %5,34 igo da

Leire Kortabarria 2007ko urr. 27a, 20:44
UNED urrutiko unibertsitatearen inguruko bi ekitaldi egon dira atzo eta gaur: batetik, atzo, egubakoitza, 2007/2008 ikasturtea inauguratzeko ekitaldia egin zuten; gaur eguerdian, bestetik, KutxaZabal Debako diplomak banatu dizkiete orain azkeneko promozioko ikasleei.

Jose Ignacio Ansorena Peter-rek egin zuen atzo irekiera lekzioa, Nola esaten da UNED euskaraz? edo tradizioa ez da inertzia izenburuarekin. Modu arin eta dibertigarrian hasi zen ekitaldia. Gerora, datuen unea etorri zen: hala, Juan Jose Alvarez UNEDeko zuzendariak jakinarazi zuenez, 2006/07 ikasturtean %5,34 igo ziren matrikulazioak, eta 1.600 matrikulazio egon ziren guztira. Ikasturte berrian matrikulatzeko aukera dago azaroaren 15era arte.


Bi omenaldi egin zituzten. Bat Manuel Cainzos UNEDeko irakasle beteranoari egin zioten, erretiratu egiten delako; eta bestea, aurten lizentziatu diren 50 ikasleei.

Alvarez zuzendariaz gain, M. Jesus Aranburu Kultura diputatua, Agurne Barruso alkatea, Marta de la Cuesta Plangintza eta Ekonomia Errektoreordea eta Kutxako Gizartekintzako Iñaki Almandoz egon ziren ekitaldian.

KutxaZabal Debako diplomak

Bestetik, gaur eguerdian, KutxaZabal Debak, Kutxako Gizartekintzako gizarte-laguntzan hezteko eskolak 06/07 promozioko ikasleei diplomak banatu dizkie; hain justu, 13 ikasleri. UNEDek ematen ditu eskola horiek. Helburua da mendekotasuna duten edadetuen laguntzaileei formazioa eskaintzea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak