Guztira 32 ikastaro desberdin prestatu dituzte udarako. Batetik, aurreko edizioetan ere egin diren ikastaro arrakastatsuenak daude, horien artean Liburutegia praktikan izenekoa edota Euskal Herriko historiari buruzkoa.
Berrikuntzak ere izango dira aurtengo edizioan, izan ere gaur egunean garrantzi handia hartzen diharduten gaiak ere landuko dira.
Ikastaroak bi talde desberdinetan banatuta daude. Batetik, ikastaro orokorrak daude eta bestetik ikastaro metodologikoak deitzen direnak.
Nobedadea
Aurtengo apustu berri eta nobedade bezala Kanta aitzaki izeneko ikastaroa antolatu dute. Ikastaroa kantuari buruzkoa izango da, eta arnasketak, gorputzaren esanahia, ahots kokapena edota espresioa bezalako gaiak landuko dira. Amaia Zubiria kantaria izango da irakaslea.
Ekainean
Ikastaro guztiak ekainean izango dira eta gehienez 20 ordukoak. Eskola gehienak arratsaldez emango dira eta irakasle profesionalak izango dira kurtsoak eskainiko dituztenak; bai UNED bertako langileak eta baita Mondragon Unbibertsitateko, Euskal Herriko unibertsitateko edota Deustuko Unibertsitateko irakasleak ere.