Udaleko 2009ko egutegian argazkiak eta publizitatea jartzeko deia egin dute

Bergarako Udalak, 2009an ere egutegia ateratzeko asmoa dauka. Eta aurten gainera bertan argazkiak jarri nahi dituenarendako deia zabaldu du. Egutegia 2008koaren tankerakoa izango da, baina aurten herriko auzoei protagonismo gehiago eskaini nahi zaie. Egutegian erabiltzeko aukeratutako argazkiak ordaindu egingo dira.

Bestalde, aukeratutako argazkiak Udal Artxibategian jasota geldituko dira eta Udalak hauek erabiltzeko aukera izango du, beti ere egilearen berri emanez. Argazkia aurkezteko interesa dutenak Udaleko Euskara Zerbitzuarekin jar daitezke harremanetan. Horretarako azken eguna urriaren 20a izango da. Telefonoa: 943 77 91 79.

Publizitatea

Bertan publizitatea jarri nahi duten herriko dendari, ostalari, enpresa, talde, ikastetxe eta abarrei ere zabaldu zaie deia. Egutegia 2008koaren tankerakoa izango da eta, beraz, publizitatea logotipo moduan joango da.

Publizitatea jartzeko interesa dutenak Udaleko Euskara Zerbitzuarekin jar daitezke harremanetan. Horretarako azken eguna urriaren 20a izango da. Telefonoa: 943 77 91 79.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.