Udalbilzaren aldeko mozioa onartu zuen udalbatzak astelehenean, erakundearen aurkako auzibidea "gogor salatzeko" eta Gobernuari eskatzeko "Estatuko fiskal nagusiak gaur egun mantentzen duen akusazio publikoa erretira" dezan.
Udal Gobernuaren, EAJren eta EAren aldeko botoekin eta PSE-EEren aurkakoekin onartu zuten mozioa ezohiko bilkuran.
Horrekin guztiarekin, biharko, zapatua, elkarretaratzea deitu dute, 12:00etan, San Martin plazan. Herritar guztiei egiten diete dei era isilean elkartasuna adierazteko auzipetuei.