Udalbiltza babesteko herri sarea aurkeztu dute

Bergarako herritar talde bat udaletxeko osoko bilkuren aretoan batu zen atzo, eguaztena, Udalbiltzaren kontrako epaiketa uztailaren 15ean hasiko dela-eta. Mikel Eguren eta Yolanda Juaristi hautetsi ohiek, Mikel Etxaniz zinegotziak eta Agurne Barruso alkateak Euskal Herrian epaiketa horren kontrako eta prozesatuen aldeko babes dinamika bat sortzeko dagoen asmoaren berri eman zieten aretoan batutako 50 bat laguni.