Ezinbestekoa da, kalitatezko kultura eskaintzea eta, gainera, Bergarako izena lau haizetara zabaltzea. Gainera, herrian egiten diren ekintzetan parte hartzea eta herritarren arteko elkartasuna bermatzea ere kontuan hartu dute laguntzak ematerako orduan.
Musika talde asko
Guztira 39.825 euro banatu ditu aurten Bergarako Udalak kultura elkarteen artean; guztira 16 elkartek jasoko dute laguntza. Horien artean, Bergarako Orkestra sinfonikoak jasoko du diru laguntza handiena: 12.500 euro. Bestalde, Bergarako orfeoiak 8.900 euro jasoko ditu. Aritzeta abesbatzak 5.000 euro jasoko ditu udalaren eskutik. Eta, Txurrumilo kultura taldeak eta Musirakak 2.500 euro eta 2.150 euro hurrenez hurren.
Beste bederatzi mila euro inguru, Abarka (950 euro), Alai taldea (600 euro), Beart elkartea (950 euro), Beke elkartea (700 euro), Bergarako Buztinzale zeramika elkartea (1000 euro), Bergarako erreileno eta tostoien kofradia (650 euro), Moiazpi dantza elkartea (1.100 euro), Pol-pol argazki elkartea (825 euro), Seilu eta bilduma zaleen elkartea (700 euro) eta Taila elkartearen (1.000) artean banatu ditu Udalak.
Modu honetan, elkarteek egiten duten lana eskertu gura du Bergarako udalak.