'Cuba 2x1'
Zuzendaria lanetan Alfredo Gonzalez Chirlaque arituko da, eta hark adierazi digu gaia aukeratzerako orduan jantziaren erraztasuna begiratzen dutela: "Saiatzen gara gai erraz bat aukeratzen, musikariek egin behar dituztelako jantziak; gainera Kuba, musika eta erritmoa eskutik doaz beti baita kolore biziak ere. '2X1', bidaia agentziek egiten dituzten eskaintzekin lotu dugu". Egitarauak bi zati izango ditu: lehenengo zatian, Udal Musika Bandak hiru lan eskainiko ditu: Concert Prelude (P. Sparke), La isla de las perlas (P. Sorozabal) eta Aratusteetako dantzak (Herrikoia). Azken horren barruan lau izango dira eskainiko dituzten abestiak: Pastelero, Galtzaundi, Iriyarena eta Praiskuarena. Ondoren, Orkestra Sinfonikoak bi lan eskainiko ditu: Juramento (M. Matamoros) eta Bachanale (C. Saint-S aens). Ikuskizunaren bigarren zatia, Udal Musika Bandak eta Orkestrak –Tropicana Orkestra– 'Cuba 2x1' ikuskizuna eskainiko dute. Ikuskizunean, lau lan eskainiko dituzte: Saba (Herrikoia); El camison de Pepa (Compay Segundo); Contigo Aprendi (Armando Manzanero) eta laugarrena eta azkena, Amor Narcotico (Chichi Peralta). Azken honetan Bergarako Areto Dantza taldeko bederatzi bikotek hartuko dute parte.