Bost atal izango ditu aldizkari berrituak. Editorialean Agurne Barrusok sinatutako eskutitza irakurtzeko aukera izango dute bergararrek.
Udalak herria pizteko egitasmo nagusiak zeintzuk izango diren jorratuko da gai nagusian. Era berean, herritarrak kazetari ataldean herritarren galderak eta Udal ordezkarien erantzunak izango dira.
Herritarrei udal batzorde desberdinetan parte hartzeko gonbita luzatzen zaie eta horretarako fitxa bat betetzeko aukera dute.
Iritziak ere ez dira faltako oraingo zenbakian; gazteen aisialdia, Udal Musika Banda, Abiadura Handiko Trena eta irisgarritasuna izan dituzte mintzagai herritarrek. Gure Bergara txokoan, Gure Ametsa elkartea eta Aritzetako San Migel dira aztergai.
Gainera, hirigintza, kirola, gazteria, kultura, gizartea eta baserri auzoekin loturiko albisteak ere izango dira. Besteak beste, Zabalotegi aretoaren irekiera eta Hirigintza arloko Plangintzako Aholku Batzorde berria izango dira albiste.
Hemen duzue urteko lehen aldizkaria