Txosna batzordeak jaietako egitaraua aurkeztu du

Leire Kortabarria 2007ko maiatzaren 19a

Mendekoste jaietarako, hainbat ekintza antolatu ditu Txosna Batzordeak, eta horien berri eman du gaur, zapatua.

Zortzigarren urtez, Mendekoste jaietarako bere eskaintza aurkeztu du Txosna Batzordeak.

Hauxe da euren eskaintza:

Maiatzak 25, egubakoitza, Euskal Errepresaliatu Politikoen eguna

  • 20:00: plazatik txosnetaraino kalejira.
  • 20:30: txosnen irekiera ekitaldia.
  • 22:00: presoen aldeko herri afaria Munibe plazan. Afalostean, txarangarekin kalejira.
Maiatzak 27,domeka
  • 19:00: bizikleta-skate poteoa, txosnetatik hasita. Bizikletan joateko eskatzen dute.
Maiatzak 28, astelehena, Herri eguna
  • 22:30: Bideberrin kontzertua: No crew, Emon, Azkaiter Pelox eta Trikizio.
  • Segidan, DJ Bull, eta herri jolasak karpan.
Horrez gain, Truku Zikinen eskutik, skatean ibiltzeko aukera izango da txosna gunean. Bestetik, jaietako blusa salgai jarriko dute hainbat tabernatan, 5 eurotan.

Txosna Batzordeak bere helburuak gogorarazi ditu: "Helburua Bergarako jaien antolakuntzan herritarren parte-hartzea ahalbait eta handiena izan dadin lortzea da".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak