Txapa Irratiak oraindik ez ditu 25 urte bete, baina dagoeneko hasi da ospakizunekin. Eta asteburu honetan, integrazioa eta bertakotzea bultzatzeko "Kanpora begira" jai erraldoia egin du. Hala, goizetik gauera arte Munibe plazari bizitasun handia eman diote.
Ume, gazte, heldu... Guztiek hartu dute parte jaian, eta are gehiago, kolore eta jatorri askotakoak.
Euskal dantzak Jarduneko Gazte Alai taldearekin, Europakoak Patxi Monterok gidatuta, Beart elkartearen eskutik umeendako pintura tailerrak, ipuin kontalariak...
Horren ostean, 120 lagunek Indiako, Senegalko eta Hego Amerikako janaria izan dute herri bazkarian. Eta, arratsaldean, dantzaren txanda izan da: Boliviakoa, Afrikakoa... eta beste.
Bukera, All Jazz Era taldeak eman dio.
Antolatzaileak, Txapa Irratiko kideak, eskertu gura dituzte Jarduneko lan taldea, herritar ugari eta hurbildutako jende guztia. Datorren urtean, gehiago?