Txapa Irratiak 25. urteurreneko ekintzei bukaera eman die

Txapa Irratiak 25. urteurrena ospatzeko ekitaldi ugari egin ditu: irratsaio bereziak; aspaldiko irratsaioak eta grabatutako kontzertuak berreskuratu... Eta herenegun, zapatua, ospakizun handia egin zuten. Hala, iraganeko eta gaur egungo Txapako kideak eta lagunak gonbidatu zituzten jaira.

Txaranga eta guzti

Lehenik eta behin, txaranga batek girotutako txikiteoa egin zuten. Musika Eskolako kide batzuek inprobisatu zuten txaranga eta izugarrizko giroa piztu zuten herrian. Herritarrek hasieran pentsatu zuten Santa Zeziliaren gaineko ekimena zela, baina gero konturatu ziren Txapako kamisetak zeramatzatela. Horren ostean, 50 bat lagun batu ziren gaztetxean antolatutako baba-janean; eta Senegalgo Kataia taldeak emanaldia egin zuen.

Gaur egun 10 irratsaio propio daude Txapa Irratian. Horiei, Arrosaren bitartez, ematen dituztenak gehitu behar zaizkie. Parrillako berrikuntzen artean, ikasturte honetan gazte batzarrak saio bat egingo du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.