'Miserableak' musikalak, 15 urte igaro ostean, sentsazio ugari eragin zituen ikusleen artean. Une askotan, drama eta umorea tartekatuz, txaloak nagusitu ziren pilotalekuan. Bihar, Asteleheneko Goienkarian kronika eta argazki erreportajea izango duzue zabala ikusgai.
Ikusleen artean gehien errepikatzen zen esaldia hauxe: "zoragarria, ikusgarria izan da". Guztiek txalotu zuten herritarrek egindako lana. Emanaldiaren amaieran ikusle guztiak zutik txalo artean hartu zituzten parte hartzaileak. Karlos Etxanizen eszena, Jevert inspektorearena, aurtengo berrikuntzatako bat zen. Eta ikusleei, eszena ikusgarriena iruditu zitzaien. Txalo zaparrada ugari jaso zituen Karlos Etxanizek.
Gaztetxoen lan bikaina
Baina zalantza gabe gaztetxoek egindako lanak eragin zuen ikusleen mirespena eta barre algarak. Umorez eta ironiaz, eszena paregabea antzeztu zuten. Marije Ugaldek azaldu zigun oso aberatsa eta ezker onekoa dela umeekin lan egitea eta azkar ikasten dutela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
