Bergarako Musika Eskolak eta Jardunek elkarlanean Debagoieneko III. Trikitixa Eguna antolatu dute. Bihar, zapatua, izango da 10:30etik 02:00etara bitartean. Hala, zapatu goizetik domeka goizaldera arte ez da trikitixaren etenik izango. Doinu tradizionalak, abangoardistak eta beste izango dira.
Joan den bi urteotan Arrasaten eta Aretxabaletan antolatu dute hurrenez hurren. "Helburua da trikitixa kalera ateratzea, jendeak entzun dezan; eta aldi berean, urte osoan eskolan ikasten dabiltzan gaztetxoak motibatzeko modua ere bada".
Trikitixaren alderdi asko
Besteak beste, eguerdian aukera izango da ibarreko trikitixa talde guztiak entzuteko, kalejira eta emanaldia egingo dutelako, herri bazkariaren aurretik. Gainera, han emango dute jakitera 2008an Trikitixa Eguna non izango den.
Arratsaldean, berriz, Trikidantz taldearekin erromeria izango da plaza berean. Eta gauean, berriz, Gose eta Gozategi taldeek kontzertua egingo dute. "Egitarau zabal horrekin trikitixaren alderdi desberdinak erakusten saiatuko gara".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
