Debagoieneko Ospitaleko Gerente Jose Luis Angulok egingo die harrera 09:00etan. Handik aurrera, hamar minutuko saioetan, Hezurretako Gaixotasun Metabolikoekin zerikusia duten 15 txosten aurkeztuko dituzte.
Bi zatitan banatuko da
Jardunaldia bi zatitan banatuko dute. Lehen zatian, bederatzi txosten aurkeztuko dituzte Debagoieneko, Gurutzeta eta Santiago ospitaleetako traumatologoek, besteak beste. Bigarren zatian, gainerako sei txostenak aurkeztuko dituzte. Jardunaldia borobiltzeko Hezurretako Gaixotasun Metabolikoen diagnostikoetan eta tratamenduetan dauden aurrerapenei buruz egingo dute berba. Bukaeran, bazkaria egingo dute Lasa Jatetxean.