Txilen, Chiguayante hirian duen lantegia itxiko duela iragarri du Tavex taldeak. Balio Merkatuen Batzorde Nazionalari erabakiaren berri eman zion Tavexek egubakoitzean bertan.
Taldeko iturrien arabera, Txileko lantegia ixteko arrazoia nagusiki estrategikoa da, izan ere balio erantsia duten ehunak egitera zuzenduko dutelako produkzioa. Tavexen erabakiak Txileko lantegiko 370 langileri eragingo die, haien kontratuak desegitea ekarriko baitu atzetik. Denim ehuna (bakeroa) eta workwear deiturikoa (lanekoa) egiten jarraituko du Tavexek Brasil, Mexiko eta Argentinako lantegietan.
Tavexek 50 bat herrialdetan ditu bezeroak eta exportazioek %80 suposatzen dute. 2010eko lehen sei hilabetekoan %39,5 handitu sarrerak eta horri esker galerak (6,9 milioi euro inguru) %70,5 gutxitu dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak