Kale antzerki paregabea ikusteko aukera egongo da bihar, zapatua. Fraiskozurin izango da, 19:00etan. Josu Bilbao aktoreak girotu eta goxatuko du kalea sukaldari lanetan. Izan ere, 'On egin mon amour' lana eskainiko dute Teatro Salitre eta Teatro Mutante taldeek elkarlanean. Aktore lanetan Josu Bilbao ibiliko da, eta esan behar da ideia originala ere harena dela.
Bihar eskainiko duten lana 2009ko maiatzean estreinatu zuten. Ordutik hainbat ekitaldi egin dituzte, eta arrakasta izugarria izan da. Ikusle guztiei zuzenduta lana da On egin mon amour; iraupena 75 minutukoa da.
Bergarako Udalak antolatu du
ikuskizuna, Eusko Jaurlaritzako Kultura sailaren laguntzarekin.
Sukaldea gainean duela
Sukaldea eta umorea uztartuko ditu antzerkiak. Bilbao aktorea sukaldea triziklo gainean hartuta duela ibiliko da herriko kaleetan. Chef berezi honek plater gozoak prestatutako ditu. "Umore karraskariko mokadutxoak, zapore handikoak, mimo karamelatuz bustita, eta, horrekin batera, clown-zopa", horrela definitu dute Teatro Salitre taldekoek euren lana. Gaineratu dute, postrea eta kafea ere egongo direla.
