Soralucek gol bakar batengatik galdu du etxean partidua

Partidu osoan zehar parekatuta egon zen markagailua. Hasierako minutuetan ordea, bergarakoek aurrea hartu zion Zumaiako Pulpo taldeari. Josetxo Muniategik bi taldeen defentsak oso motelak izan zirela eta horrek partiduan eragin zuela adierazi du. "Gol asko egon arren, nahiko partidu motela izan da bi taldeen aldetik".


Aurkaria, Zumaiako Pulpo taldea, ere antzera ibili zen. "Partiduko tarte batzutan nagusitu egin dira eta markagailuan aurrea hartu digute" azaldu du Muniategik. Lehen zatia amaitzean, markagailua gol bakar baten aldean geratu zen (19-20). Gol aukera asko egon ziren. "Partiduan gol asko izan dira, baina, partidua erritmo handiegiarekin jokatzean baloi asko galdu dugu eta akatsak ere egin ditugu". Bestalde, Pulpo taldeko jokalariak esperientzia handikoak direla gaineratu du Muniategik. "Teknika oso ona daukate eta daukaten esperientzia igarri egiten zaie. Kanpotik jaurtiketa asko egin dituzte eta ondorioz, kanpotik gol asko sartu digute".  Datorren astean, kanpoan,  Donibaneren aurka jokatuko du Soraluce Bergarak partidua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.