Estalia izatea, gainera, ez da Bergarako skateparkak izango duen berezitasun bakarra, ez baita skateparka soilik izango. Kontzertuak emateko eszenatokia, skateko produktuak saltzeko denda eta taberna izango ditu-eta, besteak beste. Nola ez, lehiaketak eta erakustaldiak egingo dituzte, baina, kulturak ere izango du bere tokia proiektu honetan. Asmoa da, esan bezala, kontzertuak egitea eta baita argazki erakusketak ere. Kontzertuei dagokienean, gainera, azaldu dute bertako taldeek lehentasuna izango dutela.
Bergarako skateparkaren oihartzunak Euskal Herriko mugak gainditu ditu dagoeneko eta arduradunek azaldu digute Frantziako skataren munduko zenbait aldizkari ezagunetan eman dute dagoneko berria. Oraindik ateak ireki ere egin ez dituela jakinda, ez dago batere gaizki. Debagoiena kanpoan ezagutzera emateko beste modu bat izan daiteke.
Oholak prestatzen eta berotzen hasteko momentua iritsi da, beraz. Dena ondo joanez gero asmoa da Bergarako San Martin jaietarako zabaltzea skatepark berria.