Bergaran Frantzia, Belgika eta Kanadatik etorritako organo jole ugari bildu dira gaur San Pedro parrokian. Organoaren lagunen Frantziako Elkartekoak dira eta Euskal Herriko organo erromantikoak bisitatzen dihardute egun hauetan. Bergarako organoaren berezitasun handiena da 1889an egin zenetik ez dela inolako errestauraziorik egin bertan.
Bergarako San Pedro parrokia jendez beteta aurkitu dugu gaur goizean, guztiak adi-adi zeuden bertako organoaren soinua entzuten. Organoaren lagunen Frantziako Elkarteko kideak dira. Euskal Herriko organo erromantiko desberdinak bisitatzen dihardute egun hauetan eta gaur San Pedroko parrokian egin dute geldialdia.
Izan ere San Pedro parrokiak altxor izugarria gordetzen du bere koroan. Bertako organoa 1889koa da eta Stoltz anaiek egin zuten. Bere berezitasun handiena da ordutik ez dutela inolako errestauraziorik egin bertan. Beraz, gaur egun eskaintzen duen soinua egin zeneko berbera da.
Bergarako kontzertuaren ostean Azkoitira joan dira guztiak eta arratsaldean Loiolako santutegiko organoaren soinua entzuteko aukera izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak