San Martzial: Omenaldiak eta dantza jendetsua jairik kuttunenean

Bergararren erromeriarik kuttunenak aitzakia gutxi izan ditu aurten ere. Goizeko igoeratik iluntzeko jeitsierara arte, festak ez du behera egin. Arreta guztia erakarri ohi duen unea, ohi bezala, eguerdiko dantzaldi eta aurreskua izan da. Jose Luis Elkororen irudiaren aurrean Agurne Barruso alkateak aurreskua dantzatu du eta gainontzeko zinegotziek ere berdin egin dute ostean herritar guztian erromeriara batzeko. Hain zuzen ere, Jose Luis Elkororen aldeko plataformak herritarrei eskaera egin zien alkate ohiaren aldeko elastikoa eramateko eta askok bete dute esandakoa.