Bergararren erromeriarik kuttunenak aitzakia gutxi izan ditu aurten ere. Goizeko igoeratik iluntzeko jeitsierara arte, festak ez du behera egin.
Arreta guztia erakarri ohi duen unea, ohi bezala, eguerdiko dantzaldi eta aurreskua izan da. Jose Luis Elkororen irudiaren aurrean Agurne Barruso alkateak aurreskua dantzatu du eta gainontzeko zinegotziek ere berdin egin dute ostean herritar guztian erromeriara batzeko. Hain zuzen ere, Jose Luis Elkororen aldeko plataformak herritarrei eskaera egin zien alkate ohiaren aldeko elastikoa eramateko eta askok bete dute esandakoa.
Jolasak eta herri kirola
Omenaldi gehiago ere egon da. Izan ere, Zaldumendi baserriko Pedro Ibargurenek oroigarria jaso du alkatearen eskutik urtetan idi bi hartu eta ardo kupela igotzeagatik. Bertsolariekin eta trikitilariekin erromeria egin eta gero, izerdiak botata, bazkalordua iritsi da. Arratsaldean jolas eta herri kirolak nagusitu dira San Martzialen irrintzi txapelketarekin batera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
