Modu horretan, egitaraua eskuratzen duten erabiltzaileek jaietako programazioa edozein momentutan eskuko telefonoan kontsultatu ahal izango dute inolako koste barik.
Aurrerago gehiago
Aurrerago, bestelako zerbitzu eta informazioa emango du Lazkano noinetako dendak, baita eskaintza eta promozioak ere.Ahotsa eta datuak doan
Bluetooth teknologia ezaguna egin da bereziki automobiletan jartzen hasi zenetik, eskuko telefonoa hartu barik berba egiteko aukera ematen duelako. Azken finean, ahotsa eta datuak transferitzeko haririk gabeko teknologia da Bluetooth-a.
Horren haritik, eskuko telefonoetara bluetooth bidez edukiak doan emateko (abestiak, gidak, irudiak, promozioak...) antena berezi batzuk kaleratu ziren orain dela urte gutxi batzuk eta horietako bat Bergarako LAZKANO KIROL OINETAKO DENDAK jarri du bere egoitzan.
Geroz eta leku gehiagotan
Bluetootharen ezaugarri nagusienetakoa da edukiak doan ematen dizkiola erabiltzaileari, baina horretarako antenatik gertu egon beharra dago (10-15 metrora asko jota). Hainbat lekutan, batez ere hiriburuetan, dagoeneko nahiko hedatuta dago kontu hau. Esaterako, Donostiako eta Gasteizko turismo bulegoetan eskuko telefonoetarako gida turistikoak ematen dituzte antena horiei esker (bulegoa itxita nahiz zabalik dagoenean). Bartzelona eta Madrilen, berriz, merkatalguneek euren promozioak iragartzeko erabiltzen dute. Badira eguneko menuak bluetooth bidez iragartzen dituzten jatetxeak ere.
Batura
Batura Mobile Solutions enpresaren eskutik jarri du zerbitzu hau martxan Lazkanok.