Bergarakoen entrenatzailea Juanjo Arrieta izango da. Besteak beste, Eibarko eta Bergarako entrenatzaile izandakoa da Juanjo Arrieta bergararra. Realekoen entrenatzailea, berriz, Jesus Mari Larrañaga, hau ere bergararra eta Realeko jokalari izandakoa. Epaile lanetan Valentin Egidazuk jardungo du.
Sarrerak salgai daude prezio honetan: nagusiek 3 euro eta umeek euro 1.
Saltokiak, hauek: Aranzadi Ikastola, Deportivo taberna, Pol-Pol taberna, Agorrosin Kirolguneko taberna eta egunean bertan Agorrosinen.
Bergararekin jokatuko dute Agustin Arantzabalek eta Imanol Etxeberriak, bergararrak biak eta lehen mailan ibili direnak. Arantzabalek Zaragozan eman ditu azken urteak eta aurten erretiratuko da.
Realarekin, Jokin Uriak, Shanti Bakerok, Jabier Gurutzetak, Mikel Loinatzek, Lutxo Iturrinok, Agustin Gajatek...
Urriaren 7an Bergaran ospatuko den Kilometroetarako sosak batzeko antolatu dute partidua. Bergarako Aranzadi ikastolak antolatuko du aurten Gipuzkoako Ikastolen jaia.