Bergarak Zestoaren aurkako partidua irabaziko balu (zapatua 16:15, Iraeta futbol zelaia), pausu garrantzitsua emango luke preferenterako bidean. Bost partidu falta dira lehen erregionaleko liga bukatzeko; baina, zapatuan Bergarak Zestoaren aurka jokatuko duen partidua erabakigarria izan daiteke preferenterako bidean. "Bederatzi puntuko abantaila dugu eta derrigor irabazi behar dugu abantaila mantentzeko. Mutrikuk irabazten ez badu, preferenterako txartela ia eskura edukiko genuke", dio mahoneroen entrentzaile Manu Diazek.
Dena den, sailkapenari begira baino, nahiago dute zapatuko partiduari begiratu. Zestoa sailkapeneko hirugarrena da, eta pomozioa jokatzeko txartela ematen duen bigarren tokian sailkatzeko azken aukera dute bihar. "Bi taldeok dugu zerbait jokoan, hortaz partidu gogorra izango da. Zestoak jokalari oso onak ditu, eta kontzentratuta irten beharko dugu zelaira", dio Diazek. Bergarako entrenatzaileak jokalari guztiek ditu jokatzeko moduan.
BTLS
Maila mantentzeko borrokan Elgoibarren aurka jokatuko du BTLSk zapatuan. Hiru puntuek lasaitasuna emango liekete Aranbururen eta Igartzaren mutilei.
