'Seme-alaben hazkuntzan, guraso guztiek ezagutu beharko lituzketen giltzarriak' izenburupean antolatu du eta etzi, eguaztena, izango da, 18:30ean, kultura etxean. Hitzaldia egingo dute Etxadiko kideek, hau da, Familiendako Orientazio Psikologikorako zerbitzua ematen duten profesionalek. Duela bi urte abiarazi zuten zerbitzu hori herrian eta hitzaldia bukatu eta gero, zerbitzuaren gaineko informazioa emango dute eta bi urteotan izan duen erabilera azaldu. Prebentziorako zerbitzutik aurreratu dutenez, ikasturtean barrena beste bi hitzaldi egongo dira, beti ere, gurasoen artean kezka orokor diren gaiak aztertzeko asmoz.