Urte hauetan Pol-Pol tabernan lanean fin jardun duen Dunixi Olabarriari omenaldi xumea egiteko ere aprobetxatu zuten lagunek zapatuko ospakizuna. Opari batzuen bitartez, tabernan egindako lana eskertu nahi izan zioten. Ondoren, lagunarteko giroan, ospakizun jaia iluntzera arte luzatu zuten Pol-Pol tabernan urte hauetan txoko gustukoa aurkitu dutenek.
Bestalde, Pol-Polen ikuskizunek duten lekuaren erakusle, domekan, Oihulari Klownen bi saio izan ziren: umeendako ipuin kontalariak, batetik, eta helduendako antzerkia, bestetik.
Ertzainak
Ospakizunean parte hartu zutenek bazkarian eta ondoren izandako giro ona azpimarratu zuten arren, era berean, kexu bat ere helarazi digute: "Zibilez jantzitako ertzainak sumatu genituen gertu eta, euren asmoa jaia hondatzea bazen ere, ez zuten lortu", azaldu ziguten.