Pirritx eta Porrotx pailazoek bi emanaldi egingo dituzte

Aratuste zapatuan, otsailaren 17an, etorriko dira Pirritx eta Porrotx Bergarara, 'Mari Motots' azken lanarekin. Emanaldi bakarra egiteko asmoa zuten hasieran, baina gaur jarri dituzte emanaldirako sarrerak salgai eta hiru ordutan agortu dira. Ondorioz, Udaleko Kultura Sailetik baieztatu digutenez, bigarren emanaldi bat egingo dute egun berean: 16:30ean izango da lehenengoa eta 18:30ean bigarrena. Pilotalekuan izango dira bi emanaldiok.

Bigarren emanaldirako sarrerak otsailaren 5etik aurrera salgai jarriko dira kultur etxean eta Elkar liburu dendan, 09:00etatik aurrera. Ezingo da erreserbarik egin.

Hiru ordutan agortuta

Kultur etxean eta Elkar dendan jarri dituzte salgai sarrerak. 8:30erako jendea zegoen zain kultur etxeko atean; 300 sarrera di-da batean saldu dituzte.

Elkarren, berriz, joan den astean jendeak dendara deitu eta erreserbatu egin zituen sarrerok. Hala, gaur denda zabaldu orduko sarrerarik ez zegoen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.