Pirritx eta Porrotx pailazoek "Piratak" ikuskizunaren bi saio egingo dituzte zapatuan Udal pilotalekuan eta bigarren saiorako, 18:30eko saiorako, sarrerak daude oraindik. 170 sarrera gelditu dira eta guztiak lehiatilan jarriko dituzte salgai ikuskizuna hasi baino ordubete lehenago, 17:30ean. Sarrera bakoitzak 5 euro balio du eta pertsonako ezingo dira sei baino gehiago erosi.
Aratusteetako afaria
Bestalde, zapaturako Udalak antolatu duen mozorro afarirako txartelak saldu dira. 200 txartel atera zituzten baina azkar agortu zirela ikusita beste 50 atera zituzten. Martitzen iluntzean bost bakarrik gelditzen ziren saltzeko. Afaria 09:30ean da Aranzadi Ikastolako zutabeen patioan.