Perretxikoen gaineko erakusketa egin dute

Jakinaz denez, perretxikoen sasoian murgilduta gaude eta hortaz, nonahi aurki daiteke mikologiarekin lotura duen ekimena. Bergaran hain zuzen ere, 'Mikologia Astea' egin dute eguenetik domekara. Azken egunotan inguruko mendietan batutako eta aukeratutako perretxiko guztiekin erakusketa egin dute domekan.

Bergarako Gure Ametsa elkartean, San Antonion Mikologia astea antolatu eta jende dezente gerturatzea lortu zuten. Eguraldia ez zen lagun izan eta elkartean bertan erakutsi zituzten 80 perretxiko ezberdinetik gora. Jatekoak berdez, halamoduzkoak azulez eta baita hilkorrak direnak ere, gorriz. Ostegunean  perretxikoen gaineko ikastaroa jaso zuten Jose Mari Larrañagaren eskutik eta GOITBn ere ikusi ahal izango da han jasotakoa. Ikastaro ostean egin zuten perretxiku bilketa mendian. Hango  perretxikoak dira Gure Ametsa elkartean ikusgai izan direnak.

Gure Ametsa ezaguna da Bergaran hainbat ekintza antolatzen dituen elkarte dinamikoa delako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.