Pazkoetako egitarauaren azala egiteko lehiaketa deitu du Udalak eta Bergaran erroldatutako edozeinek har dezake parte. Kartelek 24x24 cm-ko neurria izan beharko dute, eta formatu bertikala. Teknika librea erabili ahal izango da eta derrigorrez honako testua eroan beharko du: 'Pentekoste jaiak 2010 Bergara'.
Aurkeztutako lan guztiak orijinalak izan beharko dira, eta beste lehiaketa baten inoiz saritu gabeak. Udalak plagioa egon den zantzurik ikusten badu, sortutako kalteen aurrean kalte-ordainak eskatu ahal izango dizkio plagioaren egileari.
Irabazleak 600 euro jasoko ditu, nahiz eta saria emateke ere gera daitekeen. Kartelak aurkezteko azken eguna da apiriaren 13a, 13:00ak baino lehen, kultura etxean. Aurkezteko moduari dagokionez, kartelek ez dute egilearen nortasuna agerian utz dezakeen ezer izango. Atzealdean leloa dutela aurkeztuko dira. Horrekin batera, gutunazal itxi baten kanpoko aldean leloa idatziko da eta barruan egilearen datuak sartuko dira.
Udalak egoki ikusiz gero, aurkeztutako kartel guztiekin erakusketa antolatu ahal izango du.