Osintxu auzora gasa eramateko lanak egin nahi ditu Udalak eta dagoeneko esleitu ere egin dizkio Campezo Construccion enpresari, 40.000 eurotan. Lanok, gainera, hiru hilabeteko epean egin beharko ditu enpresa horrek. Aldundiko Ingurumen zuzendaritzak bidegorriaren Soraluze-Mekolalde tarteko lanak ere Campezo Construccion enpresari esleitu zizkion iazko abenduan. Bidegorria trenbide zaharrean egokituko dute eta gasaren azpiegitura ere han egingo dute. Hori horrela, Udalak Naturgas enpresarekin, Aldundiarekin, Gipuzkoako Ur Kontsorzioarekin eta enpresa eraikitzailearekin egindako batzarren ostean, bidegorria egitekoak zirela aprobetxatu du gasa Osintxura eramateko.