Osintxuko frontoian hobekuntza eta margotze lanak egin dituzte eta astelehenetik aurrera berriz erabiltzeko moduan egongo da Osintxuko pilotalekua. Aste barruan ibili dira langileak pilotalekuko hormak konpontzen eta margotzen.
Frontoiaren erabilera okerraren ondorioz frontisean zuloak egin dituzte eta horiek tapatu dituzte pilotalekua bera margotu aurretik. Horretarako, frontiseko zuloak tapatzeko, masilla berezi bat erabili dute.