Foru Aldundiak, Garapen Iraunkorreko Departamentuaren eskariz, erabaki du Soraluze eta Mekolalde artean –trenbide zaharrean– bidegorria egiteko lanak enkantera ateratzea, 1.080.816 eurotan. Era berean, kontratazio eta esleipen espedienteak ere onartu ditu. Lanok udaberrian hasiko dira eta sei hilabete eta erdi iraungo dute.
Bi tarte
Egingo dituzten lanak bi tartetan banatzen dira: alde batetik, Osintxu eta Mekolalde artean zoladura egokituko dute, egoera oso kaskarrean dago-eta. Horrekin batera, beharrezkoa den argiteria ere jarriko dute. Osintxu eta Mekolalde arteko tarte horrek 1,75 kilometroko luzera du.
Beste aldetik, Soraluzetik Osintxurainoko tartea –2,25 kilometro ditu– bidegorri gisa egokituta dago, baina beharrezkoa den argiteria jartzea falta da, eta horixe da egingo dutena.
Esandako bi tarteak oinezkoek nahiz bizikletariek batera erabiltzekoak izango dira. Dena den, oinezkoek lehentasuna izango dute eta bizikletek abiadura mugatua izango dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak