Kultura eta ohitura ezberdinak ezagutzeko jai paregabea ere bada. Hala, Lugotik ekarritako olagarroa bere puntuan nola egin ikasi zuten askok. Butifarra eta espezie desberdinen sekretuak jakinda ere, bat baino gehiago joan zen etxera hurrengo egunerako errezeta berriak buruan zituela.
Balorazio positiboa
Enara Minguez Kultura zinegotziak Orhipean parkearen izaera tematikoa nabarmendu gura izan du: "Herriko historian oinarrituta, lehengo kontuen berri izan eta ikasteko aukera izan da". Bergaran, lehenengoz egin dute ekimen hau eta aurrera begira berriz ere izango den galdetuta, horrela erantzun digu Minguezek: "Udalak ondo ikusiko luke, beti ere, Laborantza Ganbera, Nabarralde eta Txoriak Txori enpresekin elkarlanerako aukera sortuko balitz".