Irailaren 29an, 20:00etan, Ignace Michiels organo-jole belgiarrak egingo du kontzertua. Kontzertu berezia izango da lagun izango baitu Matthias Schlubeck flauta jole alemaniarra. Besorik gabeko flauta-jolea da, hortik kontzertuaren berezitasuna.
Bergaran egingo den bigarren kontzertua urriaren 6an izango da. Emakumezko bat izango dugu honakoan teklatu aurrean: Mami Sakato japoniarra.
Hurrengo zapatuan, urriaren 13an, Jose Luis Franzesena azpeitiarrak egingo du kontzertua eta honakoan Aretxabaletako abesbatza izango du lagun.
Urriaren 20an izango da ziklo honen barruan Bergaran egingo den azken kontzertua. Loreto Aramendi organo jole oriotarrak egingo du kontzertua eta bere ere ez da bakarrik izango. Naroa Intxausti sopranoarekin batera egingo du emanaldia.
Kontzertu guztietan pantaila erraldoia jarriko dute San Pedro parrokian ikusleek organo-jolea lanean ikusteko aukera izan dezaten. Emanaldi guztiak, gainera, doan izango dira.