Orfeoiko eta Gaberoko umeen kontzertua domekan

Ikasturte bukaerako emanaldia Mariaren Lagundia elizan egingo dute 19:00etan. Kontzertua bi zatitan banatzen da: hasieran hiru taldeek banakako saioak egingo dituzte, azken hiru hilekoan ikasi dutena erakusteko; eta, bukaeran hirurek elkarrekin abestuko dute.

Bukatzeko, denak batera

Bergarako Orfeoi Txikitxoa igoko da lehenik oholtza gainera. Sei kantu eskainiko dituzte; besteak beste, Lau katu eta danbor bat eta Good News.
Ondoren, Orfeo Txikiaren txanda izango da. Udazken koloretan kantuarekin hasiko dute emanaldia, eta bost kantu eskainiko dituzte. Gabero Abesbatzak egingo du hirugarren saioa. Guztira, zortzi kantu eskainiko dituzte, besteak beste, Alami eta You raise me up. Bukatzeko hiru taldeek bi kantu eskainiko dituzte: Kokoleoko eta Io sono un bambino.
Aitor Biainek zuzenduko ditu hiru taldeak, eta Eli Mendiaratz izango da kontzertuko  piano-jotzailea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.