Gorka Unamuno tenoreak irekiko du kontzertua. Unamunok Michael McGlynnen Media Vita lana eskainiko du. Ondoren Nere Ibarra, Isabel Juldain eta Eneritz Madariaga sopranoek A Christmas Round gabonetako kantua abestuko dute. Kontzertuak jarraituko du Ding Dong! Merrily on high, Jingle Bells eta Izartxo bat abestiekin.
David Azurza tolosarrak konpondutako Birjina Maite eta Julio Dominguezek konpondutako Manolito Chiquito abesti herrikoiekin amaituko da lehenengo zatia.
Bigarren zatia
The Twelve Days of Christmas abestian jardungo dute: Nere Ibarra eta Isabel Juldain sopranoek; Ainara Uribesalgo altuak; Carlos Etxaniz baxuak; eta, Aritz Gallastegi, Gorka Unamuno, Julen Alberdi eta Fran Martinez laukoteak. Abesti hori izango da kontzertuko bigarren zatia eta azkena.
Musikariak
Musikarekin laguntzen ibiliko dira Eli Mendiaraz pianoan eta Oihan Vega perkusioan.
Abenduaren 19an
Orfeoiak beste kontzertu bat eskainiko du abenduaren 19an. Frontoian izango da, 22:30etan hasita. Adiemus, Usaiak, Fame eta Joyful, Joyful abestiak eskainiko dituzte Orfeoiko lagunek Gabonen atarian.