Bi obra abestu zituzten, kantatzeko errazak, baina koreografia politarekin lagunduta. Aitor Biainen zuzendaritzapean jardun zuten eta inongo beldur barik eta ilusioz sumatu genituen. Biainek azaldutakoaren arabera, hiru entsegu besterik ez zuten egin emanaldirako, baina neska-mutikoak oso gogotsu ziren jendaurrean abesteko; "erronka" gisa hartu zutela esan zigun. Apirilera arte beste emanaldirik ez dutela egingo ere azaldu zuen Biainek: "Kideek elkar ezagutzeko eta taldea sendotzeko" lan egin behar dute ordura arte.
Bergarako Orfeoiak, Gabero Abesbatzak eta Musika Eskolako Haurren Abesbatzak ere hartu zuten parte emanaldian. Azkeneko bi abesbatzek eta Orfeoi Txikiak elkarrekin ere abestu zituzten hiru obra.