Ordenantza fiskal gehienek ez dute igoerarik izango 2010ean

Hala erabaki zuten asteleheneko osokoan Udal Gobernu taldeko, EAJko, Aralarreko eta EAko zinegotzien aldeko 14 botoekin. PSE-EEko bi zinegotziek kontra bozkatu zuten. Salbuespenak izango dira estolderiaren gaineko zerga (%6,3 igoko dute), ekonomi jardueren gaineko zerga (%4), eta hiri lurren balio gehikuntzaren gaineko zerga (%4). Azken biak, hurrenez hurren, %7,5 eta %17 igotzea aurreikusten zuen Udal Gobernu Taldeak, baina EAJren proposamena aintzat hartuz igoera %4 izango da.

Bestalde, 2010erako ordenantza fiskaletan kutxazain automatikoei kobratuko dieten zerga berria  onartu zuten. Hala, fatxadetan dauden kutxazain automatikoengatik 266,40 euro ordaindu beharko dute. Bost kutxazain daude egoera horretan Bergaran: Banco Santander Central Hispano (Frasikozuri, 8), Banco Popular Español (Ibargarai, 28), Bankoa SA (Ibargarai, 3), Kutxa (Mintegi, 5), eta Banco Español de Credito (Irizar pasealekua, 2).

Kiroldegia eta pilotalekua

Agorrosineko eta pilotalekuko   tasak ez dituzte igoko 2010ean. Dena den, Bergaran erroldatuta ez daudenei edo txartel mankomunatua erabiltzen ez dutenei %50 errekargua egingo diete kiroldegiko zerbitzuak eta pilotalekua erabiltzeagatik ordaindu beharreko tarifatan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.