Oi! The Arrase, Never Surrender eta Hell Beer Boys bihar Jam aretoan

Kontzertua bihar 20:30ean hasiko dute, eta sarrera gehienak saldu dituzten arren, gutxi batzuk dituzte salgai Jam aretoko tabernan.

1990. urtean Mallorkan sortutako Oi! The Arrase taldea da Jam aretoko kontzertuko izar nagusia. Urte batzuk elkarrekin egin ondoren banandu egin ziren, eta duela gutxi elkartu dira berriro ere. Kantu berriak prestatzen dabiltza, baina Bergarako kontzertuan taldearen kanturik ezagunenak joko dituzte; besteak beste, Skinhead, Solidaridad (Angelic Upstarts taldearen Solidarity kantuaren bertsioa), eta No hay futuro, no hay esperanza (Defiance taldearen No future, no hope kantuaren bertsioa). Eurekin batera igoko dira oholtzara Arrasateko Never Surrender eta goierri aldeko Hell Beer Boys taldeak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.