Bergarako odol emaileek urteko azken hitzordua izango dute etzi, eguaztena. Ohi denez, 18:30ean hasiko da odol-ateratzea Seminarioko lokalean. Eguaztenekoa urteko 24. odol-ateratzea izango da; aurten, 1.222 egin dituzte orain arte. Oraingoz, aurreko urteotakoak baino gutxiago izan dira: 2006an 1.319 odol-ateratze izan ziren; 2005ean, 1.396; eta 2004an, 1.467. Markarik onena, edozein modutan, 1998koa da: 1.508 odol-ateratze egin zituzten orduan.
Fernando Idigoras Odol Emaileen Elkarteko ordezkariaren arabera, pozik egoteko moduko datuak dira aurtengoak. Edozein modutan, odol emaile berrien falta sumatzen du. Aurten odol-ateratzeak egin dituztenen artean, kopuru baxuena 18-25 urte bitarteko emaileena izan da: 73. Odol-ateratze gehien 46-55 urte bitartekoek egin dituzte: 413.
Urte berria, Seminarioan hasi
Elkarteak Seminarioko lokalean hasiko du urte berria. Urtetako egoitza laga beharko zutela esan zieten aspaldi, baina oraindik ez diete beste lokalik utzi, eta Seminarioan jarraituko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak