Aurtengo edizioan, gainera, epaimahaietako bat Bergarako Musika Eskolako Amaia Urdangarin piano irakaslea izango da.
Parte hartzaileak, lau eskutara edo bakarlari moduan, hiru kategoriatan banatuta egongo dira, adinaren arabera: A mailan, hamaika urtera arte dituzten hamaika umek parte hartuko dute; B mailan, hamabi eta hamalau urte bitarteko zortzi ikaslek eta C mailan, azkenik, hamalau eta hamazortzi urte arteko sei gaztek.
Bergarako Musika Eskolakoek mota horretako jaialdiek duten garrantzia azpimarratu dute: "Ikasleendako, gurasoendako eta irakasleendako motibagarriak eta aberasgarriak dira, beste herri batzuetako partaideekin kontaktuan egon eta jendaurrean pianoa jotzen ohitzen dira eta".