GOIENAri egindako adierazpenetan, gotzainak aipatu zuen oso meza "polita" izan zela eta "asko disfrutatu" zuela; jaunartzea egin zuten 19 neska-mutikoak izan zituen gogoan.
Gipuzkoako Pastoraltzako bikario berria Juan Kruz Mendizabal Kakux-en lana ere txalotu zuen. Horren harira, Munillak bergararren jarrera eskertu zuen: "Nahiz eta sakrifizioa eskatu, harrikada hartu beharrean, muxuka hartu naute. Oso harrera ona egin didate".
Mezan aurpegi ezagunak ikusi zituela ere esan zuen; Zumagarran parroko lanak egin zituenean, Bergara aldeko jendea ezagutu zuela gogorarazi zuen.
San Pedro parrokiak berritzeko duen beharraz ere hitz egin zuen: "Guztiei laguntza eskatu diet, gotzaingotik ahalegin guztiak egingo ditugula esan diet".