Hondarribian korrikaldi bat egin eta itsasontziek hartuko dute testigua (elefante txiki bat) Pasaiara eramateko. Igerian pasatuko dute badia eta korrika jarraituko dute Martuteneraino. Han txalaparta eta etxafuegoak botako dituzte Jose Luisek kartzela barrutik entzun ditzan eta berehala bizikletan jarraituko dute. Hernanin zehar Egin-eko langile ohiek mugituko dute elefantea.
Zarautzera iristen direnean ikurrina bat aireratuko dute Alkateen Mugimendua izan zena gogoratzeko, haiek izan baitziren 77an ikurrina legeztatzea lortu zutenak eta Jose Luisekin batera Azpeitia, Arrasate, Hernani eta Zarautzeko alkateek ere mugimendu horretan parte hartu zuten.
Testiguak bizikletan jarraituko du bidea egiten Getaria eta Zumaia
zeharkatuz. Deban Bergarako zikloturistek hartuko dute erreleboa eta
Ondarroan igerilariek. Lekeition gogora ekarriko dute GALek hil zuen Elkororen
kide eta lagun Santi Brouard medikua.
Lekeitiotik Markinara bidea hartuko dute; Elgoibar eta Soraluzetik
pasatuko dira Elgetara iristeko. Jose Luis jaio zen herritik lan egin zuen
herriraino, Antzuolaraino, korrika jarraituko dute eta handik bera
bizi izan den herriraino, Bergararaino.
Bukatzeko, herriko elkarte gastronomikoek antolatuta pintxo-poteoa egongo da.
Martxa pausoz pauso
Igerian
10:15 Pasai S. Pedroko bokanatik badia gurutzatuko da
13:35 Saturraraneko hondartzatik Ondarroakonhondartzaraino
Piraguan
14:25 Mendexako hondartza txikitik (zubi inguruan), Lekeitioko irlara
Arraunean
14:35 Lekeitioko irlatik portura
Korrika
10:20 Pasaiatik Ametzagañara (Martutene ondoan)
16:55 Elgetatik Bergarara mendiz
17:45 Bergaratik Antzuolara trenbidetik
18:30 Antzuolatik Bergarara trenbidetik
Bizikletan
10:50 Ametzagainatik (Martutene) Hernanira
11:15 Hernanitik Zarautzera (Oriotik)
12:15 Zarautzetik Debara
13:15 Deban bergarako zikloturistak jarraituko dute Lekeitioraino
14:55 Lekeitiotik Elgoibarrera
15:55 Elgoibarretik Elgetara