Publikoaren berotasuna
Moñuxek positiboki baloratu duen beste gauza bat eskenatokia erdian jartzearena izan da, berarendako ikusgarritasuna irabazi duelako musikalak. Azkenik Javerten heriotza lan berria ere azpimarratu du zuzendari artistikoak: "Entseguetan malkoren bat bota nuen Javerten heriotza lanarekin". Musikala bigarren aldiz borobil atera bazen ere "herri honek erakusten duen musikarenganako maitasunak eskenatoki hobeagoa merezi du; horrela, ikuskizuna borobilagoa izango litzatekeelako, adibidez auditorioa bat izanez gero", esan du Moñuxek. Chirlaquek, musikalera hurbildutako jendearen berotasuna nabarmendu du. "Orokorrean ondo egon zen eta igarri zen jendearen heldutasun bai eskenatoki gainean eta baita orkestrako musikarien artean ere. Garrantzitsua izan da duela 15 urteko jendea errekuperatu izatea eta ilusio hori mantentzea". Nabarmendu duen beste puntu bat ikusleen berotasuna da. "Bergarako jendeak musika gertutik jarraitzen du. Interesa piztu du jende gaztearengan".