Mizpirualde egoitzako langileek elkarretaratzeak eta geldialdiak egin zituzten joan den astean. Gaur, astelehena, 08:00etatik 09:00etarlan geldialdia egin dute eta gauza bera egingo dute 22:00etatik 23:00etara. Era berean, elkarretaratzea deitu dute Samsic Iberia enpresaren bitartez Bergaran azpikontratutakoek. San Martin plazan elkartuko dira, 20:15etik 20:45era.
Mizpirualdeko lan taldearen %75 azpikontratatukoa da Samsic Iberia enpresaren bitartez: 65 langile inguru dira Bergarako egoitzan azpikontratatutakoak.
Eguaztenean, apirilak 1, ELAko ordezkariek bilera egingo dute Donostian, lan hitzarmenaren negoziazioak desblokeatzeko ahaleginetan. Hain zuzen ere, orain dela bi astetik etenda daude patronalaren eta sindikatuen arteko negoziazioak. Bergarako egoitzaren kasuan ELA eta LAB elkarlanean ari dira. Gipuzkoako egoitzetan egoera ezberdina denez, kasu bakoitzaren araberako mobilizazioekin dihardute han eta hemen.