Gaur egun egiten diren piezen konplexutasunari
erreparatuz eta estanpazio makinen berrikuntzek ahalbidetzen dituzten
operazioak azaldu dituzte. Horretarako Italia, Danimarka eta
Frantziatik etorritako adituek euren jakituria elkarbanatu dute Miguel
Altuna institutuan.
Sektore hau garrantzitsua da bailaran, nahiz eta oraindik zabaltzen
ari den. Bergarako institutuan orain bi urteetatik dabiltza proiektu
europarrean, baina urte gehiago dira hotzeko estanpazioaren inguruan
lanean hasi zirela.
Proiektu europar hau sektore honetan eman diren berrikuntzak erakusteko planteatu zuten. Hotzeko
estanpazioak bailarako enpresak lehiakorragoak izateko lagunduko du,
oraindik behar hainbat errotu gabe dagoen sektorea gehiago bultzatzeko.
Gaurko
jardunaldian egon diren aditu guztiez gain, David Urzainki Hezkuntza
Saileko sailburuordea izan da Bergaran. Azpimarratu duenez, bide
honetan jarraituz aterako gara krisitik.