Mendekotasuna duten pertsona nagusien zaintzaren gaineko ikastaro teoriko-praktikoa antolatu du Bizikasi zerbitzuak.
Irailaren 21ean hasi eta urriaren 28ra bitartean izango da, martitzen, eguazten eta eguenetan honako ordutegian: irailaren 21ean eta 22an, 16:00-20:00 ordutegian izango dira eskolak eta irailaren 23tik urriaren 28ra, 15:00-18:30 ordutegian.
Izenematea dagoeneko zabalik dago eta horretarako zein informazio gehiagorako jo behar da Bizikasi zerbitzuak Miguel Altunan duen bulegora, info@bizikasi.com helbidera idatzi edo 943 76 93 94 zenbakira idatzi (Miren Errasti).
Errazago zaindu
Ikastaroaren atal praktikoan irakatsiko dituzte mugikortasun arazoak dituzten pertsonak mugitzeko teknikak, garabiak egoki erabiltzen eta ohean egoteko postura egokienak bezalako ikasgaiak. Teorikoan azalduko dituzte komunikazio teknikak eta gaixoaren jokabide aldaketen aurrean nola jokatu, esaterako. Eskolak emango ditu Leire Yarzak, Matia Fundazioko terapeuta okupazionalak.