Esther Larrañaga Ingurumen eta Lurralde Antolamendu sailburua Mekolaldeko araztegia ikusten egon da astelehen goizean, Sail horrek Debako arroan bukatu berri dituen saneamendu lanen bisitaren barruan. Larrañagak esan du araztegia proba fasean dagoela orain, eta udaberri bukaeran espero dutela lanean jartzea. Bestalde, Epeleko araztegia, Madril egiten dabilena, 2010. urterako lanean hasiko dela aurreikusten dutela ere esan du sailburuak.
Mekolaldeko araztegiaren gaineko azalpenak jaso dituzte Esther Larrañaga Ingurumen sailburuak eta bisitara gonbidatutako guztiek saileko ingeniari Michel Corcueraren eskutik. Araztegiak azken teknologia erabiliko du materia organikoa prozesu biologiko eta fisiko bidez ezabatzeko. Lokatzen tratamenduan ere teknologia berriena erabiltzen du.
Obren berezitasun bat izan da kontrol-eraikina hartzen duen baserria berritu egin dutela goitik behera. Obren barruan ere, araztegira sarrera ematen duen zubi bat eta industrialde bat egin dituzte.
Araztegiak 13.659.000 eurotik gorako kostua du; kostu hori izango du azpiegitura martxan jartzeak, eta Bergarako, Antzuolako eta Elgetako urak garbituko ditu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
