Masterreka kaleko iturria berreskuratu egingo dute XVIII mendeko jauregiko lanekin batera. Iturria dagoen horma bota egingo dute, espaloia zabaltzeko, eta lanak bukatu ostean iturri berri bat jarriko dute orain dagoena baino pixka bat atzerago.
Igerilekurik ez
Hamar etxebizitza egingo dituzte Masterreka kaleko 30 zenbakian dagoen Berastegi jauregian. Jesus Laskurain aparejadoreak dioen moduan, "pitzadurak ditu eraikinak eta egitura sendotzen ari gara orain, barruko lanak hasteko gero". Eraikinaren sarrera eraberritu egingo dute, baita leihoetako egitura batzuk eta teilatu-hegala ere. 10 etxebizitzaz gain bost garaje eta berdegune bat ere egingo dute bizilagunendako, baina igerilekurik ez. Hilabete inguru hasi ziren lanean eta urte t' erdi inguru beharko dute eraikin osoa erabat eraberritzeko.