Mariaren Lagundiko 23 ikasle Holandara joan dira, hango ikastetxe batekin elkartrukean

Groenlo herrira joan ziren, zapatuan, elkartruke programa baten baitan. Holandako ikasleak apirilean etorriko dira gurera.

Mariaren Lagundia ikastolako 23 ikasle eta 2 irakasle Holandara abiatu ziren zapatuan. Astebeterako joan dira, Groenlo herrira, hango Marianum ikastetxearekin elkartrukea egitera.
Hango ikasleekin sukaldeko ohiturak erakutsiko dizkiote elkarri, hango familien bizimodua ezagutuko dute, irteerak egingo dituzte, talde jokoak, zientzia esperimentuak...
Atzerrira bidaiatzeak ikasleendako dituen onuraz jabetuta ekin zioten Mariaren Lagundian halako elkartrukeak egiteari. Eskolako arduradunen esanetan, elkartruke programek balio dute "norbere identitatearen barruan ixteko joera gainditzeko eta aniztasunarekiko errespetuan oinarrituta besteak onartu eta ulertzeko", besteak beste.
Elkartruke programaren barruan Marianum ikastetxeko ikasleak ere etorriko dira Bergarara. Apirilean izango da hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.